Vrouekeur - Nuutste Uitgawe Vrouekeur - Latest Issue

SPUR SE NUWE SPYSKAART VIR KINDERS

Spur is dekades lank al een van die gewildste familierestaurante in Suid-Afrika. Hoe dan anders met hul heerlike spyskaart wat spesiaal vir kinders sorg, speelareas en die Secret Tribe-klub. En nou het Spur besluit om selfs beter vir hul grootste aanhangers te sorg met ’n heerlike, gesonde kinderspyskaart.

Stella Kousouros van die kinderpaneel geniet die heerlike hoenderdis wat vir die nuwe spyskaart voorberei is.
Stella Kousouros van die kinderpaneel geniet die heerlike hoenderdis wat vir die nuwe spyskaart voorberei is.
Pierre van Tonder, Spur se hoof-uitvoerende beampte, sê “Ons neem die verantwoordelikheid vir die gesondheid van families wat ons restaurante besoek baie ernstig op: van die bestanddele wat ons gebruik tot die voorbereiding van die kos en die netheid van ons restaurante. Ons het reeds heelwat veranderinge op ons spyskaart aangebring, soos ons ‘better-for-you’-opsies, verlaagde sout-inhoud en 98% van die produkte op ons spyskaart is hormoon- en MSG-vry.”

Met die better-for-you-opsie kan Spur-besoekers skyfies en aartappel-gesiggies ruil vir gesonder opsies soos slaai of groente en melk in stede van gaskoeldrank.
Kids give their opinion on the new Spur kiddies menu as Pierre van Tonder looks on
Die Groep se hoof-uitvoerende beampte, Pierre Van Tonder,
luister na die kinders se eerlike terugvoer.

Spur bied ook ’n aanlyn-toep op hul webwerf aan waarop die voedingswaarde van al die items op die spyskaart beskikbaar is. Die toep sal jou ook laat weet indien een van jou opsies ’n allergeen bevat.

Met die skepping van die nuwe, gesonder kinderspyskaart wil Spur hul gesonder opsies ’n stappie verder vat. Dié keer wil Spur die opinie hoor van die ouers wie se kinders by Spur eet. “Ons het reeds ’n baie handige wenk by ons ma’s gekry – om groente in die kos weg te steek!” sê Van Tonder.

“Een van ons voorgestelde spyskaartitems het ’n minimum van 15% weggesteekte groentes. En om selfs beter vir die gesondheid van ons jonger besoekers te sorg, bied ons nie meer die ‘upsizing’ van enige disse of koeldranke nie.”
Hulp is ook ingeroep van onafhanklike dieetkundiges en voedingkundiges om Spur se nuwe spyskaart saam te stel.
Die nuwe spyskaart met gesonde opsies vir kinders sal vanaf Desember 2015 in uitgesoekte Spurs beskikbaar wees.


Welkom by die Vrouekeur aanlyngemeenskap!

Vertel ons meer van jouself sodat ons aan jou behoeftes kan voldoen. Klik hier om ʼn vinnige, anonieme digitale meningsopname te doen.

Kommentaar
Wees eerste om kommentaar op die artikel te lewer.
Jy moet ingeskakel wees om kommentaar op die artikels te kan lewer. Indien jy nog nie 'n aanlyn-profiel het nie, kan jy hier een skep

Caxton Tydskrifte moedig vryheid van spraak aan en ‘n verskeidenheid standpunte word hier weergegee. Die menings van die gebruikers van vrouekeur.co.za is hul eie en nie noodwendig dié van Caxton Tydskrifte nie.
Interessante artikels
Meeste kommentaar
Kies 'n boek: Die skaalmodel
Willie Burger kyk na die wenner van die Groot Romankompetisie, Anneli Groenewald, se debuutroman
Kuns: Tate Britain wat die werk van Frank Auerbach aanbied
Sonder ophou, 365 dae van die jaar, soms tot 18 uur per dag ...
KIES 'N BEROEP: Makelaar
’n Beroep in die wêreld van finansies kan baie lonend en verreikend wees
LEES & STEM (Maart 2015): Vat so, jou feeks
Ek het nog altyd ’n hekel daaraan gehad as dit kom by onregverdigheid op die sportveld. Soos die spreekwoord lui, het elke wedstryd sy beserings, maar...
LEES & STEM (Januarie 2015): Die cowboy
Ons woon hier op ’n plaas in die Weste, die beste Weste, eintlik die Noordweste.
LEES & STEM (April 2015): Die agterstallige paaiement
In elke winkel is die poppe snoesig en warm geklee met bypassende stewels en ’n handsak. Die pop in die een vertoonvenster trek onmiddellik Lulu se...
© 2017 www.vrouekeur.co.za | Alle regte voorbehou | Developed By Digital Platforms