Deur WILNA MYBURGH

Kosskrywer Sarah Graham deel haar resep vir eenvoudige maar besonder smaaklike chorizo-en-suurlemoenhoender met blomkoolpuree. Sy bedien dit met Drostdy-Hof Claret Select. Dié rooi lekkerdrinkversnit bied ’n ryk boeket van ryk bessiesmake wat goed by die stewigheid van die chorizo en hoender pas.

Chorizo-en-suurlemoenhoender met blomkoolpuree

Lewer 4 porsies | Bereiding 10 minute | Gaarmaaktyd 1 uur

VIR DIE HOENDER

 

3 hoenderdye met vel

sout en peper

5 ml tiemie, gedroog

15 ml olyfolie

15 ml botter

3 middelslag rooi uie, grof in sesdes gesny

200 g chorizo, grof gekap

1 suurlemoen, gehalveer

200 ml Drostdy-Hof 2015 Sauvignon Blanc

30 ml vars pietersielie, gekap

 

VIR DIE BLOMKOOLPUREE

 

1 middelslag blomkool, grof gekap

15 ml olyfolie

10 ml botter

sout en vars gemaalde swartpeper na smaak

 

 

Voorverhit die oond tot 180 °C.

1 Geur hoenderdye met sout, peper en tiemie.

2 Verhit olyfolie en botter in oondvaste kastrol en braai hoender ongeveer drie minute lank aan elke kant tot bruin. Verwyder en plaas eenkant.

3 Braai uie ongeveer drie minute lank. Roer dikwels.

4 Voeg chorizo en suurlemoenhelftes by en kook ongeveer drie tot vyf minute lank.

5 Verwyder kastrol van stoof en sit hoender terug by uie en chorizo in kastrol. Gooi Drostdy-Hof Sauvignon Blanc by, sit deksel op en plaas 30 minute lank in oond.

6 Berei blomkool voor terwyl hoender gaar word. Kook blomkool tot sag. Dreineer.

7 Voeg olyfolie en botter by en puree met staafmenger tot glad. Pas geurmiddels na smaak aan.

8 Bedien met ruim skep blomkoolpuree op bord en hoender-en-chorizo bo-op. Gooi vars pietersielie bo-oor.

 

Geniet laastens ’n glas van die Claret Select saam met dié stewige maaltyd.

Volg Drostdy-Hof op Facebook (www.facebook.com/DHWines) en Twitter (www.twitter.com/DrostdyHofSA).