Maalvleispakkies

Maalvleis is altyd lekker. Probeer bietjie iets nuut met dit en maak hierdie maalvleispakkies

4 porsies

Bestanddele

MAALVLEIS

bietjie olie

5 ml (1 t) vars knoffel, gekap

600 g beesmaalvleis

4 grasuie, gekap

1 rooi brandrissie, ontpit en fyngekap

handvol vars koljanderblare, fyngekap

handvol vars pietersielie, fyngekap

knypie fyn gemmer

sout en peper na smaak

45 ml (3 e) Hoisinsous (Woolworths)

12 ronde ryspapiervelle

ekstra olie vir vlakvetbraai

LEES OOK: Vinnige maalvleisrol

Metode

1. Maalvleis Verhit olie en soteer knoffel vir een minuut. Voeg maalvleis by en soteer tot verbruin.
2. Voeg grasuie, brandrissie, koljander, pietersielie, gemmer, sout en peper by. Soteer nog drie minute.
3. Voeg Hoisinsous by en roer deur. Verwyder van hitte.
4. Week ryspapier vir 30 sekondes in warm water en haal uit soos benodig.
5. Skep eetlepel van maalvleisvulsel op rand van velletjie en vou om vulsel toe te kan maak. Vou tot al die kante toe is.
6. Verf rand met water om te seël. Doen dieselfde met oorblywende vulsel.
7. Verhit bietjie olie en braai maalvleispakkies tot goudbruin.
8. Sit warm saam met groente of soos verkies voor.