Soutsuur varkvleisblokkies

Wonder jy wat om vir aandete te maak? Hier is ’n lekker en maklike resep vir soutsuur varkvleisblokkies

4 porsies

bietjie olie

1 ui, gekap

600 g varkvleis, in blokkies gesny sout en peper na smaak

440 g (1 blik) pynappelstukkies in stroop

125 ml (½ k) soetrissiesous

10 ml (2 t) sojasous

5 ml (1 t) mielieblom

LEES OOK: Varkvleisfrikkadelle

1. Verhit bietjie olie en soteer ui tot sag.
2. Voeg varkvleis by en soteer tot vleis goudbruin is.
3. Geur na smaak met sout en peper.
4. Voeg pynappelstukkies saam met 187 ml (¾ k) van die stroop by.
5. Meng soetrissiesous, sojasous en mielieblom tot glad. Voeg by varkvleismengsel en meng.
6. Prut sonder deksel vir vyf minute tot sous goed verdik.
7. Sit saam met koeskoes of rys voor.