Vrouekeur - Nuutste Uitgawe Vrouekeur - Latest Issue

STERKOS: ANNA-MART VAN DER MERWE - GEMARINEERDE ARTISJOKSLAAI

Maak hierdie slaai sommer al in die oggend. Bedek dit en laat dit eenkant staan. As dit regtig snikheetwarm is, kan jy dit in die yskas bêre

Aktrise Anna-Mart van der Merwe sê sy sal haar nie juis as ’n natuurlike of ywerige kok beskryf nie, maar sy’s mal oor kos en om saam met vriende en familie “elmboë op die tafel” te kuier. “Soos Annie Basson altyd sê: ‘As jy kan lees, kan jy kook!’” sê Anna-Mart. Sy sê met kos vier ons die lewe en voed ons ons liggame. “Dis belangrik. As ek voel ek gaan stres, of daar’s nie eintlik tyd vir ’n lang kuier nie, het ek geen probleem om byvoorbeeld net lekker kaas en brood en ’n goeie bottel wyn op die tafel te sit en dit ’n ‘school night’ te noem nie. Dit gaan vir my oor die saamwees en saam ‘broodjie breek’. Al is dit dan net gou-gou in die middel van die week vir so ’n uurtjie.” Anna-Mart sê as sy die dag onthaal, hou sy daarvan om die meeste van die kos voor die tyd klaar te maak. “Ek kan dan ontspan en saam met die gaste kuier in plaas daarvan om histeries in die kombuis te moet rondhardloop.” Sy sê sy het ’n swak vir malvalekkers en soesji en sal amper haar siel vir regte Griekse jogurt met heuning en ’n goeie granola verkoop.

Gemarineerde artisjokslaai

8 porsies

166 ml (2/3 k) olyfolie

125 ml (½ k) lemoensap

1 lemoenskil, fyngerasper

3 knoffelhuisies, fyngedruk

5 ml (1 t) suiker

5 ml (1 t) droë mosterdpoeier

sout en peper na smaak

3 x 400 g-blikke artisjokke, gedreineer en in helftes gesny

1 Klits olie, lemoensap, lemoenskil, knoffel, suiker, mosterdpoeier, sout en peper saam.

2 Sit artisjokke in bak en gooi slaaisous oor. Marineer vir minstens 30 minute.

 
MEER RESEPTE EN KOS
Interessante artikels
Meeste kommentaar
Aftrede – vreugde of ramp?
Dit kan traumaties wees om die arbeidsmark te groet, skryf Carla van der Spuy
Luister na NRG se Ek kan jou nie keer
Luister na 'n uittreksel van Ek kan jou nie keer, NRG se splinternuwe enkelsnit.
LEES & STEM (Maart 2015): Vat so, jou feeks
Ek het nog altyd ’n hekel daaraan gehad as dit kom by onregverdigheid op die sportveld. Soos die spreekwoord lui, het elke wedstryd sy beserings, maar...
LEES & STEM (Januarie 2015): Die cowboy
Ons woon hier op ’n plaas in die Weste, die beste Weste, eintlik die Noordweste.
LEES & STEM (April 2015): Die agterstallige paaiement
In elke winkel is die poppe snoesig en warm geklee met bypassende stewels en ’n handsak. Die pop in die een vertoonvenster trek onmiddellik Lulu se...
© 2017 www.vrouekeur.co.za | Alle regte voorbehou | Developed By Digital Platforms