ʼn Paar jaar gelede was dit gebruik om jou aand rondom spesifieke TV-programme te beplan om seker te maak dat jy nooit ʼn episode van die lekkerste stories en programme op TV mis nie. Die koms van Internet-TV het alles egter verander. Deesdae kan jy kyk wat jy wil, wanneer jy wil, en jy loop nooit die risiko om ’n episode van enige program mis te loop nie.
ShowMax gee jou toegang tot ʼn wye verskeidenheid Afrikaanse en internasionale TV-reekse en rolprente. Jy kan volledige reekse van kykNET se sepies, soos Binnelanders, dramas soos Getroud met rugby, en gewilde realiteitsreekse soos Boer soek ʼn vrou en Nataniël en Jan Braai se programme op jou eie tyd en teen jou eie pas kyk. Via het ook baie programme en reekse beskikbaar, soos Die kliek, Pasgetroud, en Op pad met Dana.
Buiten Suid-Afrikaanse reekse kan jy ook gewilde internasionale reekse soos Suits, The Big Bang Theory, en Game of Thrones kyk, of jy kan ou gunstelinge soos Friends weer kyk. Internet-TV gee jou ook toegang tot die destydse skreeusnaakse Molly & Wors, waarvoor ʼn mens nooit sal moeg raak nie, hope ander rolprente en kykgenot vir kinders. Nou kan jy Donderdagaand boekklub toe gaan, want jy kan later die jongste episode van Boer soek ’n vrou kyk.
En as jy na ou karakters in eertydse episodes van Binnelanders verlang, kan jy enige van die afgelope tien jaar se episodes weer kyk. As jy nog nooit satelliet-TV gehad het nie, is hierdie die perfekte geleentheid om die reekse te kyk waarvan almal altyd gepraat het en jy misgeloop het. Met ShowMax is dit nooit te laat om vermaak op TV op jou eie tyd te geniet nie!
ShowMax bied die grootste versameling plaaslike en internasionale rolprente en reekse. Geen ander Internet-TV-diens gaan jou soveel bied nie. Dis boonop baie maklik om te gebruik en dis bekostigbaar.
Wat is ShowMax?
ShowMax is ’n Internet-TV-diens. Al wat jy nodig het om aan te sluit, is internetverbinding. Kyk al jou gunstelingprogramme enige tyd, enige plek teen slegs R99 per maand. Jy kan al die beste internasionale en plaaslike programme op jou slimfoon, skootrekenaar, tablet, Apple TV, DStv Explora of slim-TV kyk. Jy kan dit ook met AirPlay en Google Chromecast gebruik. Stroom terwyl jy aanlyn is op enige van hierdie toestelle, of laai tot 25 programme op jou slimfoon of tablet af vir wanneer jy nie aan die internet gekoppel is nie.
- Meer as 25 000 episodes van reekse, flieks, dokumentêre en kinderprogramme
- 14-dae- gratis proeflopie vir nuwe intekenare
Besoek showmax.com nou en teken in op die grootste verskeidenheid vermaak wat jy op een plek kan kry. Jy sal nie spyt wees nie.
