Redakteursbrief: 40 wyshede

Soms lees ek iets raak wat ek eintlik weet, maar as ek dit swart op wit sien, herinner dit my weer om dit in gedagte te hou

1. Gee ’n ferm handdruk.
2. Kyk mense in die oë as jy met hulle praat of na hulle luister.
3. As iemand jou iets vertroulik vertel, moenie dit oorvertel nie.
4. Wees dapper al is jy nie – maak asof jy is, want niemand ken die verskil nie.
5. Gebruik sarkasme versigtig.
6. Kies jou lewensmaat met sorg. Dié besluit gaan 90% van jou geluk of ongeluk bepaal.
7. Maak dit ’n gewoonte om gawe goed vir mense te doen, sonder dat hulle weet wie dit doen.
8. Leen net boeke uit wat jy nie weer wil sien nie.
9. Moenie iemand van hoop ontneem nie – dis dalk al wat hy of sy het.
10. As jy bordspeletjies met kinders speel, laat hulle wen.
11. Gee mense ’n tweede kans, maar nie ’n derde nie.
12. Word die positiefste en geesdriftigste mens wat jy kan.
13. Behalwe vir ingrypende gebeure soos dood en ernstige siekte is min goed so ernstig as wat jy aanvanklik dink dit is.
14. Wees ’n goeie wenner.
15. Wees ’n goeie verloorder.
16. Dink twee keer voor jy iemand met ’n geheim opsaal.
17. As iemand jou ’n drukkie gee, wees die laaste een om te laat gaan.
18. Wees nederig.
19. Baie dinge het al gebeur en is verwesentlik voor jy gebore is.
20. Hou dinge eenvoudig.
21. Wees versigtig vir mense wat niks het om te verloor nie.
22. Moenie brûe noodwendig verbrand nie. Jy sal verbaas wees hoeveel keer ’n mens dieselfde rivier moet oorkruis.
23. Wees iemand se held.
24. Trou net vir liefde.
25. Tel jou seëninge.
26. Leef so dat daar op jou grafsteen kan staan: Ek is oor niks spyt nie.
27. Waag dinge – jy gaan minder spyt wees oor goed wat jy gedoen het as dit wat jy nié gedoen het nie, omdat jy bang was om die kans te waag.
28. Moenie ’n kans laat verbyglip om vir ’n geliefde te sê jy is lief vir hom of haar nie.
29. Onthou, ons leef nie op ons eie nie. Sê mildelik dankie aan diegene wat jou help.
30. Wees in beheer van jou ingesteldheid. Moenie dat iemand anders dit vir jou kies nie.
31. Begin die dag met jou gunstelingmusiek.
32. Neem soms die mooiste roete in plaas van die kortste.
33. Respekteer almal wat werk om ’n lewe te maak, maak nie saak wat hulle doen nie.
34. Stuur blomme vir jou geliefdes. Dink later aan die rede.
35. Maak iemand se dag deur die persoon agter jou in die tou se tolgeld by die tolhek te betaal.
36. Waai vir die kinders in die skoolbus.
37. Dink voor jy ’n mening gee.
38. Onthou 80% van die sukses in jou werk het met menseverhoudings te make.
39. Moenie verwag dat die lewe regverdig is nie.
40. Hou op kerm oor twak.