Spek-en-avokadodoopsous

Avokado’s is heerlik in menige geregte en beslis gesond

8 porsies

Bestanddele

bietjie avokado olie
1 ui, gekap
1 knoffelhuisie, gekneus
250 g (1 pakkie) spek, gekap
2 takkies vars pietersielie, fyn gekap
2 avokado’s
30 ml (2 e) suurlemoensap
sout en swartpeper na smaak
125 g (½ bakkie) geroomde maaskaas

Metode

1. Verhit olie en soteer ui en knoffel daarin tot sag.
2. Voeg spek by en soteer tot gaar. Voeg pietersielie by en soteer nog bietjie. Laat afkoel en kap spek fyner.
3. Druk avokado fyn en voeg suurlemoensap, sout en swartpeper by.
4. Roer geroomde maaskaas by avokadomengsel tot goed gemeng. Roer spekmengsel daarby.
5. Sit voor saam met tortilla’s met vulsel of as doopsous saam met groentes of beskuitjies.