Marcia se melktertnessies

Maryke Roberts gesels met Marcia Tyobeka, ‘n kookwaterkok van De Hoop naby Bredasdorp deel haar resep.

Bestanddele

fillodeeg

100 ml gesmelte botter

strooisuiker vir sprinkel

1 l melk

125 ml suiker

30 ml (2 e) koekmeel

60 ml (4 e) mielieblom

15 ml (1 e) vlapoeier

3 geklitse eiers

5 ml (1 t) vanieljegeursel of een vanieljepeul

kaneel

Metode

1. Gebruik vier fillodeegvelle en sny in ewe groot vierkante.
2. Smeer deeg met botter en sit in kolwyntjiepan. Bak vir 10 minute teen 160 ºC.
3. Haal uit oond, besprinkel met strooisuiker en laat afkoel.
4. Kook melk oor lae hitte. Meng droë bestanddele, voeg eiers, vanieljegeursel en bietjie melk by.
5. Voeg by kokende melk en roer tot dit dik word.
6. Verwyder van hitte en laat effens afkoel. Skep in fillonessies, strooi kaneel oor en bedien met vars bessies.