Hartjiebroodjie vir ontbyt in die bed

Maak etes, van ontbyt tot nagereg, vir die geliefdes wat Valentynsdag saam met jou deurbring

Deur MARLO KITSHOFF-CARSTENS
Foto’s ANDREA CALDWELL

4 porsies
4 snye witbrood
genoeg botter
bietjie olie
4 eiers
sout en peper na smaak
groot hartjiekoekdrukker

1. Smeer snye brood aan albei kante met botter.
2. Verhit olie in braaipan en braai snye brood liggies aan albei kante tot goudbruin.
3. Druk die binnekant van die brood met ’n hartjiekoekiedrukker uit.
4. Plaas een sny brood op ’n slag terug in die braaipan en breek ’n eier in die hartjiegedeelte oop.
5. Bak tot net gaar en sit dadelik saam met uitgedrukte hartjiegedeelte voor.