Skilferkors-appeltertjies

Maak dié maklike skilferkors-appeltertjies vir tee of ’n nagereg

4 porsies

Bestanddele

1 rol (400 g) skilferkorsdeeg
60 ml (¼ k) sagte botter
80 ml (1/3 k) bruinsuiker
15 ml (1 e) fyn kaneel
knypie gemengde speserye
2 Granny Smith-appels, in kwarte gesny en stronk verwyder
bietjie melk

Metode

Stel oond op 180 °C.

1. Rol skilferkorsdeeg oop en sny in vier reghoeke.
2. Sny elke reghoek in driehoek.
3. Smeer deeg liggies met botter en sprinkel met bruinsuiker en geurmiddels.
4. Plaas appelkwart op onderkant van driehoek en rol dit op.
5. Plaas op bakplaat, verf met melk en sprinkel met bietjie suiker.
6. Bak vir 20 minute of tot deeg gaar en krakerig is. Bedien warm met vla.