Daar lê dikwels ’n klomp wasters in die motorhuis rond. Al ooit gedink jy kan so ’n mooi halssnoer daarvan maak?
Karen Adendorff
Benodigdhede
p ienk, maroen en roomkleurige
no 5-katoenhekelgare
2 mm-hekelpen
29 × 8 mm-wasters
klein pienk knopie
algemene naaldwerkbenodigdhede
Afkortings
kb – kortbeen
ks – kettingsteek
Aanwysings
1 Hekel 25 kb rondom een waster met roomkleurige hekelgare.
2 Hekel 25 kb rondom ses wasters met maroen hekelgare.
3 Hekel 25 kb rondom 22 wasters met pienk hekelgare.
4 Werk die ses maroen wasters rondom die roomkleur waster vas om ’n blom te vorm.
5 Werk elf wasters aan mekaar aan weerskante van die boonste maroen waster vas.
6 Hekel 10 ks met pienk hekelgare en werk dit as ’n lussie aan die regterkant agter aan die laaste waster vas.
7 Hekel 6 ks met pienk hekelgare en werk dit as ’n lussie aan die linkerkant agter aan die laaste waster vas en werk die knopie daaraan vas.
Karen, ook bekend as die koninging van hekel, het al 18 handwerkboeke vanaf 2008 uitgegee. Sy het al oraloor SA gereis om entoesiaste die kuns van hekel te leer. Haar werk het haar al vele radio- en televisiewerk asook tydskrifartikels besorg. Haar hooffokus as ʼn ontwerper is haar gereelde bydraes aan verskeie tydskrifte, sosiale media platforms en haar blog, A Hankidoriday – my beautiful chaos.
