Rituele vir jou kind

Sekere rituele laat kinders veilig en geliefd voel. Hier is ’n paar idees om dit vir hulle spesiaal te maak

Saamgestel deur ZERELDA ESTERHUIZEN

1. Gaan stap

Dis vir kinders heerlik om saam met die diere te gaan stap en dit gee julle kans om te gesels. Dis spesiale bindingstyd.

2. Maak saam kos

Ja, kinders mors lekker en dit kan weer jou geduld toets, maar dit skep vir hulle heerlike kosbare herinneringe.  Probeer saam ‘n resep of maak iets eenvoudigs soos muffins uit ‘n pakkie. Gee vir elke kind ‘n takie.

3. Eet saam

Probeer om as gesin saam te eet en dit dan die tyd te maak wat julle gesels. Vra vir jou kinders om te noem wat die beste en slegste van hul dag was.  

4. Badtyd

As kinders nog klein is, maar hierdie ‘n lekker speel- en onthoutyd vir hulle.

5. Storietyd

Lees ‘n storie voor slapenstyd vir klein kinders en soos hulle groter raak, moedig hulle aan om lesers te word met ouderdomsgepaste boeke. Lees ‘n bladsy en dan kan hulle weer ‘n bladsy lees.

6. Gee ’n takie

Laat kinders van kleins af help om byvoorbeeld jul troeteldiere te voer. Dit gee hulle ‘n sin van belangrikheid en maak hulle verantwoordelik vir iets.

7. Speel speletjies

Speel kaartspeletjies terwyl julle kos maak of ná etenstyd. Dis pret en heerlike bindingstyd.

8. Kry jul eie gesinsding

Kinders is gek oor binnegrappies, iets wat net jul gesin sal verstaan, of ‘n spesiale handskud of soen, of ‘n kode wat julle verstaan.

9. Aktiwiteit per maand

Laat jou kinders minstens een keer per maand ‘n aktiwiteit kies wat julle as gesin kan doen.

Leer meer hier:

En lees hier op raisingchildren.net

Send this to a friend