Dis ons eerste uitgawe van Desember. Jip, nog ‘n jaar is bykans verby en soos elke jaar wonder ons almal hoe die tyd so vinnig verby gevlieg het.
Dis amper vakansie en ons werk teen die spoed van wit lig om al die uitgawes by die drukkers te kry sodat die hele span ‘n welverdiende blaaskans kan neem. Van vakansie gepraat – hiernaas is die jongste Vrouekeur-boeke wat tans beskikbaar is – spesiaal vir Kerskouse. Die weekbeplanner deur Janine Bevolo-Manders is ‘n dagboek en ‘n samestelling van haar weeklikse inspirasiestukke, met prente tussendeur om in te kleur. Vian Oelofsen se vierde Diere onder die son is ‘n ideale geskenk vir kinders en XWord se speletjiesboek is mos net die ding vir die vakansie.
Marlo Kitshoff-Carstens se vierde Beste uit Vrouekeur resepteboek is propvol van haar beproefde resepte en met ‘n bietjie ekstra tyd op hande, kan ‘n mens nou sommer heelwat van dié disse uittoets. Bederf jouself met een of al die boeke of skaf dit aan as ‘n verrassing in iemand se Kerskous. Bestel die boeke by [email protected] of 012 401 0700 en onthou daar is heelwat ander Vrouekeur-boeke ook beskikbaar.
Eldaleen is die redakteur van Vrouekeur.
