Gebakte hawermout-en-vrugte-blokkies

Hierdie hawermoutblokkies is vullend en heerlik met die bessies in

Deur MARLO KITSHOFF-CARSTENS
Foto ELMARIE KNAPTON

ongeveer 48 blokkies

Bestanddele

2 50 ml (1 k) graanvlokkies (Kellogg’s Corn Flakes), growwerig fyngedruk
250 ml (1 k) klapper
750 ml (3 k) hawermout
125 ml (½ k) sonneblomsade
2 50 ml (1 k) gedroogde bosbessies (cranberries) – Woolworths
125 ml (½ k) pekanneute, gekap
250 ml (1 k) koekmeel
375 ml (1½ k) ligte bruinsuiker
5 ml (1 t) fyn kaneel
2,5 ml (½ t) sout
250 g (½ blok) botter
45 ml (3 e) heuning
10 ml (2 t) koeksoda
80 ml (1/3 k) volroommelk

LEES OOK: Weet-Bix-blokkies

Metode

Stel oond op 180 °C.

1. Meng graanvlokkies, klapper, hawermout, sonneblomsade, bosbessies, pekanneute, koekmeel, bruinsuiker, kaneel en sout goed saam in mengbak.
2. Smelt botter en heuning saam en roer tot glad en gemeng.
3. Meng koeksoda en volroommelk saam.
4. Roer koeksodamengsel by gesmelte bottermengsel.
5. Meng bottermengsel by hawermoutmengsel.
6. Voer bakplaat van 24 cm x 24 cm met bakpapier uit en spuit goed met kossproei.
7. Druk mengsel in bakplaat vas sodat dit gelyk bo-op is.
8. Bak vir 18 minute of meer tot ligbruin bo-op.
9. Laat vir 20-22 minute in bakplaat afkoel en sny in blokkies van ongeveer 3 cm x 3 cm groot.
10. Skep op afkoelrakkie uit