Hoender-en-ryskasserol

Met hoender in die vrieskas kan jy sommer vinnig ‘n lekker gereg maak

LEES OOK: Eenbak-hoenderkerrie

6 porsies
2 klein hoenders
2 ℓ (8 k) water
2 hoenderaftrekselblokkies
250 ml (1 k) rou witrys
bietjie olie
2 uie, fyngekap
2,5 ml (½ t) vars knoffel, gekap
2 50 g (1 pakkie) spek, in blokkiesgesny
1 groen soetrissie, ontpit en in blokkies gesny
2 85 g (1 blik) sampioene, gedreineer
375 ml (1½ k) kookwater
1 blokkie hoenderaftreksel
410 g (1 blik) gekapte tamaties
2,5 ml (½ t) droë gemengde kruie
sout en peper na smaak

LEES OOK: Quiche met hoender en uie

Stel oond op 180 °C.

1. Verhit water en hoenderaftrekselblokkies tot kookpunt en kook hoenders tot gaar, ongeveer 50 tot
   60 minute.
2. Laat hoenders afkoel en vlok dit.
3. Smeer oondbak met deksel van 22 cm in deursnee met botter of spuit met kossproei. Gooi rys in
   oondbak. Hou eenkant.
4. Verhit olie en soteer uie en knoffel daarin tot sag. Voeg spek by en soteer tot gaar.
5. Voeg soetrissie en sampioene by en soteer vir drie minute.
6. Meng hoenderstukke met spekmengsel en skep op rys.
7. Roer blokkie hoenderaftreksel by kookwater tot opgelos. Roer tamaties, kruie, sout en peper by.
8. Giet tamatiemengsel oor gereg.
9. Plaas deksel bo-op en bak vir 1½uur. Sit oond af en laat staan nog een uur in warm oond sodat rys nog van sous kan absorbeer en uitswel.
10. Sit warm voor.