Piekniek-bruintjies

Dis weer tyd vir piekniek in die natuur en hierdie bruintjies maak dit nog lekkerder

30 blokke

Bestanddele

375 g bruin melksjokolade, in blokkies gebreek
250 g (½ blok) sagte botter
250 ml (1 k) strooisuiker
7,5 ml (1½ t) vanieljegeursel
10 ml (2 t) volroommelk
4 ekstragroot eiers
437 ml (1¾ k) koekmeel
45 ml (3 e) kakao
knypie sout
200 g (1 groot plak) bruin melksjokolade, grofgekap
100 g (1 pakkie) pekanneute, grofgekap

LEES OOK: Bierbruintjies

Metode

1. Stel oond op 180°C.
2. Plaas sjokolade, botter en strooisuiker saam in kastrol. Smelt oor matige hitte terwyl jy dit af en toe roer. Verwyder dadelik van hitte wanneer sjokolademengsel gesmelt is. Laat bietjie afkoel.
3. Roer vanieljegeursel en melk by sjokolademengsel.
4. Klits eiers in aparte bakkie en roer by sjokolademengsel.
5.  Sif koekmeel, kakao en sout saam.
6. Roer meelmengsel by sjokolademengsel.
7. Roer gekapte sjokolade en pekanneute by sjokolademengsel.
8. Voer oondbak van ongeveer 22 cm x 30 cm met bakpapier uit, spuit met kossproei en skep beslag daarin.
9. Bak vir 35 minute of tot gaar. Bruintjies moet nooit droog gebak wees nie.
10. Laat bruintjies heeltemal afkoel.
11. Sny in blokke van ongeveer 4,5 cm x 4,5 cm.
12. Berg in lugdigte houer.