Steak met knoffelbotter en sampioensous

Bestaan daar ooit iets beter as ’n steak met ’n lekker sous?

4 porsies

Bestanddele

4 stukke steak van jou keuse

olie

sout en peper na smaak

braaivleisspeserye (opsioneel)

KNOFFELBOTTER

250 g (½ blok) sagte botter

1 suurlemoen se skil, fyngerasper

60 ml (4 e) vars pietersielie, gekap

30 ml (2 e) vars knoffel, gekap

2,5 ml (½ t) sout

SAMPIOENSOUS

bietjie olie

2 uie, gekap

2,5 ml (½ t) droë gemengde kruie

5 ml (1 t) vars knoffel, gekap

250 g (1 pakkie) sampioene, in skyfies gesny

38 g (1 pakkie) sampioensous (Royco)

38 g (1 pakkie) swartpepersous (Royco)

250 ml (1 k) room

166 ml (2/3 k) volroommelk

LEES OOK: Die “Captain’s Saucy Steak”

Metode

1. Verf steak, nie riffelpan of braaier, met olie.
2. Riffelpan of braai moet baie warm wees.
3. Braai steak eers aan een kant vir ongeveer twee minute sonder om om te draai. Steak moet eers seël voor dit omgedraai word.
4. Draai steak om en seël ander kant. Braai verder so gaar soos verkies. Geur met sout, peper en braaivleisspeserye (opsioneel) terwyl jy braai.
5. Knoffelbotter Meng alles saam en vorm in rol op stuk waspapier. Plaas in yskas tot gestol. Sny in skywe en plaas op klaar gebraaide steak om te smelt.
6. Sampioensous Verhit bietjie olie en soteer uie, kruie en knoffel tot uie sag is. Voeg sampioene by en soteer tot sag.
7. Voeg sampioen en swartpepersous by. Roer room by. Voeg melk by terwyl geroer word. 8 Sit sous warm saam met steak, gekookte klein aartappeltjies en brood voor.