Brei ’n broekrompie vir Baba | Vrouekeur

Brei ’n broekrompie vir Baba

Brei hierdie broekrompie vir baba sommer ’n paar in verskillende kleure – dis makliker as wat jy dink

Deur CHRISTA SWANEPOEL Foto ELMARIE KNAPTON

Wat het jy nodig?

1 (2; 2; 2; 2; 2) balle ELLE PURE GOLD DK (100 g) in Bellamia (A) 1 bal ELLE STRETCH DK in Pink (B) 3,25 mm- en 4 mm-naalde 4 mm-sirkelnaald

Afkortings

aw – aweregs don – draad om naald ks – koussteek omslag1 – glip vlg st op regterkantste naald en neem draad na teenoorgestelde kant van werk, glip dieselfde st terug op linkerkantste naald r – regs r2tes – regs 2 ste tesame rVa – regs voor en agter in dieselfde st VK – verkeerde kant vlg – volgende

Mate

Pas 0–1(1–3; 6–9; 12–18; 24) maande

Aanwysings

VOORPANT

Met 3,25 mm-naalde en B stel 50(60; 62; 68; 70) ste op en werk in 2×2-rif vir 3 cm, eindig met VK-ry. Vlg ry: *r2, don, aw2tes, herh van * tot einde. Gaan voort in 2×2-rif vir nog 2,5 cm, eindig met VK-ry. Vlg ry: heg A en met 4 mm-naalde r oor ry, TERSELFDERTYD, vmin 8(10: 10; 10; 10) ste eweredig oor ry. 42(50; 52; 58; 60) ste. Werk 2 rye in ks. Vlg ry (RK): aw. Vlg ry (VK): r. Vlg ry: r. Vlg ry: aw.* Gaan voort in ks tot werk van beg af 14(15; 18; 19; 20) cm lank is, eindig met VK-ry. **Plaas merker tussen middelste 2 ste. Vlg ry: r tot 1 st voor merker, tel lus tussen ste op en r agterin lus, r tot 1 st ná merker, tel lus op tussen ste en r agterin lus, r tot einde. Werk 3 rye in ks. Herh laaste 4 rye altesaam 4 keer. 50(58; 60; 66; 68) ste. Gaan voort in ks sonder om te vmeer tot werk 19(20; 23; 24; 25) cm lank is van beg af, eindig met VK-ry. Vlg ry: r tot middelste 4 ste, heg middelste 4 ste af, r tot einde. 23(27; 28; 31; 32) ste op elke been. Voltooi bene apart soos volg: Vlg ry: aw. Vlg ry: r2tes, r tot einde. Vlg ry: aw. Herh laaste 2 rye nog 2 keer. 20( 24; 25; 28; 29) ste. Heg B en werk in 2×2-rif soos volg: r2(2; 1; 2; 1), *aw2, r2, herh van * tot einde. Vlg ry: rif 2×2 tot laaste 2(2; 1; 2; 1) ste, aw2(2; 1; 2; 1) ste. Herh laaste 2 rye nog 3 keer. Heg af. Heg A aan binnekant van tweede been en aw tot einde. Voltooi tweede been soos eerste been.

AGTERPANT

Werk soos voorpant tot * Gaan soos volg voort: Vlg ry: r27(31; 32; 36; 37), omslag1, draai. Vlg ry: aw12(12; 12; 14 14), omslag1, draai. Vlg ry: r18(18; 18; 21; 21) ste, omslag1, draai. Vlg ry: aw24(24; 24; 28; 28) ste, omslag1, draai. Brei elke vlg ry 6(6; 6; 7; 7) ste meer na weersk en gaan voort tot so na as moontlik aan einde van ry. Vlg ry: r oor al die ste. Gaan voort in ks tot werk van beg af 14(15; 18; 19; 20) cm lank is, eindig met VK-ry. Voltooi soos voorpant vanaf **.

Rompie

Met 4 mm-sirkelnaald stel 42(42; 48; 54: 60) ste op. 1ste ry: *r4, aw2, herh van * tot einde. 2de ry: *r2, aw4, herh van * tot einde. Herh laaste 2 rye. Vlg ry: *r2, m1 (tel lus op tussen laaste en vlg st en r agterin lus), r2, aw2, herh van * tot einde. Vlg ry: *r2, aw5, herh van * tot einde. Vlg ry: *r5, aw2, herh van * tot einde. Vlg ry: *r2, aw5, herh van * tot einde. Vlg ry: *r2, m1, r1, m1, r2, aw2, herh van * tot einde. Vlg ry: *r2, aw7, herh van * tot einde. Vlg ry: *r7, aw2, herh van * tot einde. Vlg ry: *r2, aw7, herh van * tot einde. Herh laaste 2 rye nog 4 keer. Vlg ry: *r3, m1, r1, m1, r3, aw2, herh van * tot einde. Vlg ry: *r2, aw9, herh van * tot einde. Vlg ry: *r9, aw2, herh van * tot einde. Vlg ry: *r2, aw9, herh van * tot einde. Herh laaste 2 rye nog 4 keer, Vlg ry: *r4, m1, r1, m1, r4, aw2, herh van * tot einde. Vlg ry: *r2, aw11, herh van * tot einde. Vlg ry: *r9, aw2, herh van * tot einde. Vlg ry: *r2, aw11, herh van * tot einde. Herh laaste 2 rye nog 5 keer. Heg af.

Om te voltooi

Met regte kante opmekaar, werk broekie se synate en bene aan binnekant aan mekaar vas. Met regte kante opmekaar, werk synaat van rompie toe. Trek rompie oor broekie en werk bokant van rompie aan rifry om lyf vas.

Send this to a friend