Die verskillende kleure verg ’n bietjie meer tyd, maar die eindresultaat maak daarvoor op

CHRISTA SWANEPOEL

BENODIGDHEDE

ELLE ARAN WOOL (50 g)

5 balle in Graphite

1 bal elk in Slate, Everglade, Sherry,

Beetroot

3,75 mm- en 4,5 mm-naalde

MATE

Pas ongeveer M(G; XG; XXG)

Voltooide grootte ongeveer: 110(118; 126; 134) cm

AFKORTINGS

aw – aweregs ggr – glip, glip, regs (gl vlg 2 ste een op ‘n slag op regterkantste naald asof jy dit sou brei, steek linkerkantste naald in die voorkant van hierdie 2 ste en regs dit tesame) r – regs RKV – regte kant voor vmin – verminder 1×1-rif: 1ste ry: r1, *aw, r1, herh van * tot einde. 2de ry: aw1, *r1, aw1, herh van * tot einde. Herh 1ste en 2de ry.

AANWYSINGS

VOORPANT

Met 3,75 mm-naalde en Graphite, stel 105(113; 121; 129)ste op. Werk in 1×1-rif vir 10 rye. Met 4,5 mm-naalde begin met kleurblokke volgens diagram en gaan voort tot werk sowat 45(46; 47; 48) cm lank is, eindig met VK-ry. Mousgatvorming
Heg soos volg aan weersk af vir mousgate in elke ry: 4 ste 1 keer, 3 ste 1(1; 2; 2) keer, 2 ste 2(3; 3; 4) keer en 1 st 4(4; 3; 3) keer, eindig met VK-ry. 75(79; 83; 87) ste. Vlg ry: pat 37(39; 41; 43), heg middelste st af, pat tot einde. Gaan voort met pat en halsvorming soos volg: Heg 1 st aan nekrand af in elke alt ry altesaam 12(13; 13; 14) keer, dan elke 4de ry 2 keer. 23(24; 26; 27) ste. Gaan voort tot werk sowat 69(71; 73; 75) cm lank is, eindig aan mousgatrand.
Skouervorming
Heg soos volg af in elke alt ry: 6 ste 3 keer, dan 5(6; 8; 9) ste 1 keer. Heg af. Voltooi ander skouer soos eerste een, maar spieëlbeeld daarvan.

AGTERPANT

Werk soos voorpant, maar deurgaans met Graphite en sonder die halsvorming tot agterpant sowat 2 cm korter is as voorpant by skouer, eindig met VK-ry. Vlg ry: pat en heg middelste 29(31; 31; 33) ste af en voltooi twee skouers apart sonder om weer aan halsrand te vmin. Heg skouers af soos voorpant. Werk regterskouernaat toe.
Halsrand
Met RKV en 3,75 mm-naalde, tel op en r sowat 108 tot 128 ste eweredig om hals met 1 st in middelste st voor. Vlg ry: r. Vlg ry: r. Vlg ry: werk in 1×1-rif tot 2 ste voor middelste st voor, r2tes, r middelste st, r2tes, werk verder in 1×1-rif tot einde. Vlg ry: werk in 1×1-ri tot 2 ste voor middelste st, aw2tes, aw middelste st, aw2tes, werk in 1×1-rif tot einde. Herh laaste 2 rye nog 1 keer. Heg in rif af. Werk linkerskouernaat toe.
Mourande
Met RKV en 3,75 mm-naalde tel op en r ongeveer 110 tot 134 ste om mourand. Werk in 1×1-rif vir 5 rye. Heg in rif af.

OM TE VOLTOOI

Werk mourand- en synate toe. Lê werk plat neer, bedek met klam lap en laat om droog te word. Sien verpakkingsmateriaal vir versorgingsinstruksies.

SOURCES
ELMARIE KNAPTON