Waarskuwingstekens van huishoudelike geweld

Is jy vasgevang in huishoudelike geweld? Lees gerus in hierdie week se Vrouekeur die artikel oor huishoudelike geweld. Die onderstaande tekens is aanduidend van huishoudelike geweld:

Nicola, ‘n maatskaplike werker, sê jy is ‘n slagoffer van emosionele mishandeling as jou lewensmaat:

• beheer wat jy doen, wie jy sien en waar jy gaan
• jou name noem, verkleineer en verneder
• jou isoleer en dom, waardeloos en bang laat voel
• jaloers optree, jou dreig en ongegrond beskuldig van ontrouheid en dat jy affairs het
• jou straf deur liefde te weerhou
• jou en die kinders konstant kritiseer
• dreig om die kinders weg te neem van jou
• jou oproepe en bewegings monitor
• jou geld vat of geld van jou weerhou
• dreig jou met selfmoord sou jy hom verlaat

Jy is ‘n slagoffer van fisieke mishandeling as jou lewensmaat:

• objekte gooi of breek, mure slaan, deure skop tydens ‘n argument
• jou persoonlike eiendom vernietig
• jou stamp, klap, byt, skop of wurg
• jou en die kinders met ‘n wapen dreig
• roekeloos bestuur tydens ‘n argument
• dreig om jou of jou diere seer te maak
• jou dwing om seks te hê of voorkom dat jy geboortebeperking gebruik of veilige seks te hê
• jou dwing om goed tydens seks te doen wat jou ongemaklik maak
• jou in jou huis hou en verbied om uit te gaan
• vir jou sê jy sal nooit aan iemand anders behoort nie
• jou keer om die polisie te bel of mediese sorg te kry