Kom kuier saam by die Feesidees-mark by Simondium van 2 tot 6 November
Met meer as 100 uitstallers met vindingryke produkte bied Feesidees iets vir elke geleentheid. Daar is van ontwerpersklere vir alle ouderdomme, modieuse bykomstighede tot handgemaakte juweliersware.
Feesidees se deli loop oor met die heerlikste tuisgebakte lekkernye en snoepgoed om jou spens op te vul voor die vakansie met beskuit en kleinkoekies, fynproewerskoffies en liplekker soetgoed, konfyte en ingemaakte produkte sowel as plaasvars produkte en spesiale vrugtekoeke.
Geniet die ontspanne atmosfeer van die pragtige gastehuis se lowergroen tuine met lewendige musiek, heerlike eetgoed en ‘n glasie wyn, terwyl die jongspan in die spesiale kinderspeelplek baljaar.
Die mark is van Woensdag tot Saterdag daagliks oop van 09:00 tot 17:00, maar sluit Sondag om 15:00. Gratis parkering en sekuriteit is beskikbaar. Ingang kos R30 vir volwassenes, gratis vir kinders onder 18.
Die Simondium’s Country Lodge is tussen Franschhoek en Paarl geleë.
Kontak 021 874 1046 of besoek festive ideas
