Duitse pofpannekoek

Hierdie Duitse pofpannekoek is heerlik vir ontbyt en neem net ’n paar minute om te maak

1 pannekoek

Bestanddele

125 ml (½ k) koekmeel
125 ml (½ k) melk
2 groot eiers
30 ml (2 e) suiker
5 ml (1 t) vanieljegeursel
2,5 ml (½ t) sout
30 ml (2 e) botter versiersuiker
esdoringstroop/gouestroop

Metode

  1. Gooi koekmeel, melk, eiers, suiker, vanieljegeursel en sout in ’n voedselverwerker en blits beslag tot glad.
  2. Verkil beslag in yskas vir 25 minute.
  3. Plaas gietysterpan in middel van oond. Skakel oond aan en verhit tot 250 °C. Wanneer liggie doodgaan, verwyder pan uit oond.
  4. Smelt botter in pan, bedek ook kante met gesmelte botter.
  5. Gooi mengsel in pan en wikkel pan om beslag gelyk te maak.
  6. Bak vir 15–20 minute tot goudbruin en gepof.
  7. Strooi versiersuiker bo-op. Bedien met stroop.  

Send this to a friend