Framboos-soentjies

Hierdie framboos-soentjie is so maklik en vinnig om te maak!

6 porsies

200 g donkersjokolade
12 vars frambose
500 ml (2 k) vanieljeroomys

1. Spuit silikonmuffinpan met kossproei. Holtes moet ongeveer 6 cm in deursnee wees.
2. Smelt sjokolade in dubbelkoker of in mikrogolf tot gesmelt.
3. Verf muffinholtes met kwas wat jy in sjokolade gedoop het. Plaas in vrieskas en verf weer. Herhaal proses omtrent drie keer.
4. Skep eetlepel roomys in holtes en druk framboos in middel. Bedek framboos met nog roomys. Plaas in vrieskas.
5. As roomys hard gevries is, verf nog sjokolade bo-oor, en maak seker daar is geen gaatjies nie. Plaas oornag in vrieskas.
6. Druk dit versigtig uit en sit dit dadelik voor.