Bederf jou mense met hasselback-roomspinasiehoender vir aandete!
4 porsies
Bestanddele
15 ml (1 e) botter 1 ui, fyngekap
5 ml (1 t) knoffel
125 g (½ pak) knopiesampioene, gesny
250 g (1 pak) babaspinasie
125 ml (½ k) room
5 ml (1 t) groentespeserye
knypie neutmuskaat
4 hoenderborsies
sout en peper
125 ml (½ k) mozzarellakaas, gerasper
Metode
Stel oond op 180 ˚C.
- Smelt botter en braai ui en knoffel tot sag.
- Voeg sampioene by en braai tot sag.
- Roer spinasie by en braai tot sag.
- Voeg room en speserye by en laat kook tot verdik.
- Maak vier tot vyf snye bo-op hoender. Maak seker jy sny nie deur nie. Geur met sout en peper.
- Skep eetlepel van spinasievulsel in elke sny van hoender.
- Plaas op bakplaat, sprinkel met kaas en bak vir 25 minute of tot hoender gaar is.
