Omelet in ’n sakkie

Maak ’n omelet in ’n sakkie in die mikrogolf!

2 porsies

Bestanddele

4 eiers
100 ml melk
sout en peper
125 ml (½ k) ham, in blokkies gesny
125 ml (½ k) cheddarkaas, gerasper
30 ml (2 e) pietersielie, fyngekap
½ rooi soetrissie, gekap
4 grasuie, gekap
2 Ziplock-sakkies

Metode

1. Breek twee eiers in sakkie. Gooi 50 ml melk en bietjie sout en peper in elke sakkie.
2. Verdeel ham, kaas, pietersielie, soetrissie en grasuie in elke sakkie.
3. Druk al die lug uit sakkie en seël goed.
4. Mikrogolf vir twee minute of tot eier gestol is.
5. Haal versigtig uit sakkie en bedien met roosterbrood.

Wenke

• Maak seker alle plastiek is BPA-vry. Dit beteken die plastiek kan baie hoë hitte in die mikrogolf hanteer en is dan nie gevaarlik nie.
• Kook kos tot 80% gaar. Kos sal buite die mikrogolf aanhou gaar word.