‘Osso bucco’ met pasta

Hierdie resep vir ‘Osso bucco’ met pasta is heerlik én maklik!

4 tot 6 porsies

Bestanddele

bietjie olie
600 g beesvleis (shin)
1 ui, gekap
5 ml (1 t) vars knoffel, gekap
2,5 ml (½ t) droë gemengde kruie
1 wortel, geskil en in blokkies gesny
2 lourierblare
1 ml sout
knypie swartpeper
250 ml (1 k) beesvleisaftreksel
250 ml (1 k) water
410 g (1 blik) gekapte tamaties
125 ml (½ k) witwyn
500 g (1 pak) pennepasta
5 ml (1 t) sout
10 ml (2 t) olie

LEES OOK: Tuna-en-olyf-pasta

Metode

1. Verhit olie en braai beesvleis tot begin verbruin. Skep uit en hou eenkant.
2. Soteer ui, knoffel en kruie in olie/vet wat reeds in kastrol is. Voeg wortel, lourierblare, sout en peper by. Soteer bietjie.
3. Skep gebraaide vleis terug in kastrol. Voeg aftreksel, water, tamaties en witwyn by. Plaas kastrol se deksel bo-op en prut oor lae hitte vir een uur.
4. Roer deur en prut vir nog 30 minute. Verwyder lourierblare, bene en enige senings.
5. Pluis vleis met twee vurke. Prut nog bietjie as sous baie loperig is.
6. Kook pasta tot al dente in borrelende water waarby sout en olie gevoeg is.
7. Dreineer pasta en roer by beesvleis.
8. Sit warm saam met gerasperde parmesaankaas voor.