Sampioen-en-neut-gnocchi

Maak lekker sampioen-en-neut-gnocchi vir aandete

2 porsies

Bestanddele

5 0 g (½ pakkie) pekanneute, grofgekap
500 g vars aartappelgnocchi
bietjie olie
½ ui, gekap
knypie fyn knoffel
5 ml (1 t) gemengde kruie
1 25 g (½ pak) bruinsampioene, in skyfies gesny
1 25 g (½ pak) knopiesampioene, in skyfies gesny
1 25 g (½ pak) repies spek, in blokkies gesny
125 ml (½ k) room
1 sirkel fetakaas

Metode

1. Rooster neute in droë pan tot ligbruin.
2. Kook gnocchi in borrelende soutwater tot dit na oppervlakte dryf. Dreineer en spoel met koue water af.
3. Verhit olie en braai ui, knoffel en kruie tot ui sag is. Voeg sampioene en spek by en braai verder.
4. Gooi room by sampioenmengsel en kook tot effe dikker.
5. Gooi sous oor gekookte gnocchi en sprinkel met kaas en neute.

Wenk

Gnocchi is gaar wanneer dit bo-op die water begin dryf