Foto: Vrouekeur – Andrea Caldwell
Hier is nog ’n (baie maklike) patroon vir oulike sloffies wat jy vir die winter kan brei
Deur: Christa Swanepoel
Afkortings
ms – mossteek; r – regs; R(V)K – regte verkeerde) kant; r2tes – regs 2 steke tesame; vmeer – vermeerder
LEES OOK: Brei pantoffels in een stuk
Grootte
Pas voet van sowat 20(22; 24; 26) cm
Aanwysings
Met 5,5 mm—naalde stel 23(27; 27; 29) ste open werk in rs tot werk sowat 15,5(17,5; 19,5; 22,5) cm lank is, of so lank soos voet, eindig met VK-ry.
Vlg ry: r1, (r2tes) tot einde. 12(14;14;15) ste.
Werk 3 rye rs.
Vlg ry: *r4(5; 5; 3) r2tes, herh van * 2(2; 2; 3) keer. 10(12; 12; 12) ste.
Vlg ry: r.
Vlg ry: (r2tes) tot einde.
Knip draad lank af, ryg deur oorbl ste, trek styf en werk vas.
LEES OOK: Hekel handskoene & pantoffels
Om te voltooi
Werk naat agter toe en werk van voor af sowat ‘n derde toe.
Indien verkies, maak tossel en werk bo-op vas.
