Baklava bakkies | Vrouekeur

Baklava bakkies

Soet, krakerige neuthappies in ’n japtrap. Gebruik enige neute waarop jy jou hande kan lê en bedien hierdie baklava bakkies as ietsie soets ná ete

24 mini-happies

Bestanddele

24 mini-fillobakkies
125 ml (½ k) pekanneute
125 ml (½ k) pistasieneute
30 ml (2 e) sagte bruinsuiker
2,5 ml (½ t) kaneel
30 ml (2 e) botter, gesmelt
250 ml (1 k) suiker
125 ml (½ k) water
1 stuk pypkaneel
45 ml (3 e) heuning
lemoenbloeiselgeursel

Metode

Stel oond op 160 °C.

  1. Kap neute grof.
  2. Meng neute, bruinsuiker, kaneel en gesmelte botter.
  3. Skep teelepel vulsel in elke bakkie.
  4. Bak vir 10 minute.
  5. Kook suiker, water en kaneel vir drie minute terwyl geroer word.
  6. Verwyder van hitte en roer heuning en geursel by.
  7. Skep warm stroop oor warm happies in pan.
  8. Laat afkoel en bedien.

Wenk

Vir mini-fillobakkies gebruik ’n minikolwyntjiepan en sny filloblokkies in vierkante van 7 cm x 7 cm

Send this to a friend