Biefstuk met gedroogde perskes

Hierdie biefstuk met gedroogde perskes is heerlik!

6–8 porsies

Bestanddele

1,3 kg binneboud (topside-biefstuk)
bietjie olie
10 ml (2 t) fyngekapte tiemie
10 ml (2 t) fyngekapte pietersielie
10 ml (2 t) growwe sout
5 ml (1 t) varsgemaalde peper
2 uie, in kwarte gesny
200 g (1 pakkie) babawortels
100 g (1 pakkie) gedroogde perskes
100 g (1 pakkie) vars of gedroogde vye
250 ml (1 k) droë witwyn

Metode

Stel oond op 160 ˚C.

  1. Smeer biefstuk goed met olie.
  2. Meng kruie, sout en peper en smeer oor biefstuk.
  3. Pak uie, wortels, perskes en vye in oondbak.
  4. Sit biefstuk bo-op groente en gooi wyn oor.
  5. Maak met foelie toe en bak vir 2–3 uur.
  6. Maak foelie vir laaste 20 minute oop dat vleis kan verbruin.

Wenk

Gooi die sous af, roer bietjie meel by en laat kook om ’n dikker sous te maak

Send this to a friend