‘n Tropiese fees

Grenadellapoedinkies
4 tot 6 porsies

Bestanddele

POEDING
625 ml (2½ k) water
375 ml (1½ k) suiker
30 ml (2 e) mielieblom
5 ml (1 t) suurlemoensap
1 k of 2 x 115 g-blikkies grenadellapulp
2 ekstragroot eierwitte
30 ml (2 e) strooisuiker
STROOP
250 ml (1 k) grenadellasap van Woolworths
30 ml (2 e) strooisuiker
5 ml (1 t) suurlemoensap
10 ml (2 t) mielieblom

Metode

1. Poeding Verhit water en suiker in kastrol tot kookpunt.
2. Roer tot suiker opgelos is en laat nog 2 minute kook.
3. Maak solank mielieblom, suurlemoensap en grenadella-pulp tot gladde pasta aan terwyl suikermengsel kook.
4. Voeg grenadellamengsel stadig by suikermengsel en roer goed tot mengsel glad is.
5. Verhit mengsel tot kookpunt. Verlaag hitte en laat prut vir 5 minute tot mengsel verdik het.
6.  Verwyder kastrol van hitte. Laat mengsel tot kamertemperatuur afkoel.
7.  Klits eierwitte saam met strooisuiker styf. Vou by grenadellamengsel in.
8.  Skep grenadellamengsel in vormpies wat met kossproei gespuit is.
9.  Plaas oornag in yskas.
10.  Grenadellastroop Verhit sap, suiker, suurlemoensap en mielieblom (wat eers met bietjie van sap tot pasta aangemaak is) tot kookpunt.
11. Laat vir 2 minute kook. Verwyder van hitte.
12.  Laat effens afkoel en sit saam met uitgekeerde poedinkies voor.