Brei ’n mus en serp vir ’n man

Brei sommer vir al die manne in jou lewe hierdie maklike, maar mooi serp en mus

Moeilikheidsgraad: *

Wat het jy nodig?

2 balle KARTOPU AK Soft Nr 357 (100 g) vir serp en mus
3,25 mm- en 4 mm-naalde

Grootte

Serp sowat 150 cm x 16 cm

Patroonsteek

1ste en 2de ry: r1(2) (randsteke), (r2, aw2) tot laaste 4 ste, r2, r1(2) (randsteke).
3de en 4de ry: r1(2) (randsteke), aw2, *regs eers 2de steek op linkerkantste naald, dan 1ste steek, aw2, herh van * tot laaste 2 ste, r1(2) (randsteke). Herh 4 rye.

Afkortings

r – regs r2tes – regs 2 steke tesame rs – reksteek weersk – weerskante

Aanwysings

Mus

Met 3,25 mm-naalde stel 128 ste op en werk in 2×2-rif vir 20 rye. Met 4 mm-naalde gaan voort in patsteek, MET 1 RANDSTEEK WEERSK, tot werk 20 cm lank is, eindig met VK-ry.
Vorm bokant 1ste ry: (r6, r2tes) tot einde. 112 ste,
2de en elke alt ry: aw.
3de ry: (r5, r2tes) tot einde. 96 ste.
5de ry: (r4, r2tes) tot einde. 80 ste.
7de ry: (r3, r2tes) tot einde. 64 ste.
9de ry: (r2, r2tes) tot einde. 48 ste.
11de ry: (r2tes) tot einde. 24 ste.
13de ry: (r2tes) tot einde. 12 ste. Knip draad lank af, ryg deur oorbl ste, trek styf en werk vas.

Om te voltooi

Werk naat agter toe.

Serp

Met 4 mm-naalde stel 50 ste op en werk 2 rye rs. Gaan voort met patsteek, MET 2 RANDSTEKE WEERSK, tot werk sowat 150 cm lank is, eindig met 2 rye rs. Heg af.

Om te voltooi

Knip fraiings en heg aan albei kante.

Wenk

  • As jy serp langer wil hê, sal jy ’n derde bal moet kry.
  • Brei eers die mus en dan die serp tot die breidraad op is, met ’n bietjie ekstra vir fraiings.

Send this to a friend