Johan Myburg skryf oor Gislebertus, die 12de eeuse beeldhouer wat vir homself naam gemaak het, se uitbeelding by die St Lazare-katedraal in Frankryk.
Johan Myburg
Vir die westelike ingang van die St Lazare-katedraal in Autun, Frankryk, het ene Gislebertus – so word dit aanvaar – ’n uitbeelding gemaak van die laaste oordeel.
’n Nabyskoot van die timpaan bokant die ingang na die
St Lazare-katedraal in Autun.
In die middel van die monumentale beeldhouwerk, een van die eerste Middeleeuse kunswerke van dié omvang, is ’n voorstelling van Christus wat voor hom uitstaar terwyl Hy besig is met regspraak. Die Christus-figuur is veel groter as die ander figure gewoon as aanduiding van die belang van die sentrale figuur. Rondom dié figuur is vier engele.
Aan sy regterkant is dié wat vryspraak kry en aan die linkerkant is die verdoemdes.
Direk aan sy linkerkant sit die maagd Maria op ’n troon en langs haar is ’n engel wat die dooies oproep en die koms van Christus uitbasuin.
Die inskripsie reg onder die voete van Christus wat
lees: ‘Gislebertus hoc fecit’ (Gislebertus het dit gemaak).
Aan die ander kant is die heilige Michael besig om siele op ’n skaal op te weeg terwyl ’n demon die skaal in die guns van die hel wil laat kantel. Om die been van die demon is ’n driekoppige slang besig om op te krul.
In die hel is die heilige Michael besig om siele op ’n
skaal af te weeg terwyl ’n demon die skaal wil laat oor-
hel in die rigting van die warmplek.
Op die latei is mense afgebeeld wat pas uit die graf opgestaan het. Die angs en onsekerheid, maar ook die vredigheid van pelgrims met ’n kruis oor die skouer is leesbaar in dié tafereel.
